2010/11/20

ජරා වෙලාව

එක දොස්තර මහත්තයෙකුට පාන්දර 2 විතර තද නින්දේ ඉන්නකොට දුරකතන ඇමතුමක් ආවා රෝගියෙක් ඉන්න ගෙදරකින්.හෙණ ගහගෙන එලියේ වහිනවා,ඒ මදිවට හරියට හුලඟ.ඉතිං මේ ඩොක්ටර් බොහොම අකමැත්තෙන් ලෑස්ති වෙලා සීතලේම වෙව්ලා වෙව්ලා ගියා මේ රෝගියා ඉන්න නිවසට.
පස්සේ රෝගියාව පරීක්ෂා කරලා එයාගේ බිරිඳට කීවා දැන්මම මේ මහත්තයාගේ නිතිඥ මහතාටයි, නෑදයින්ට, යාලුවන්ටයි ගෙන්වාගෙන එයාගේ අන්තිම කැමති පත්‍රය සකස් කරගන්න කියලා.දැන්මම කෝල් කරල ඒක කරන්න.
පස්සේ මේ සිද්දිය ඔහු ගෙදර ඇවිල්ලා ඔහුගේ බිරිඳට ඔහු කීවා.
බිරිඳ අහනවා " ඇයි අනේ ඒ මිනිහට එච්චරම අසාධ්‍යයද?
ඩොක්ටර් කියනවා " නෑ එච්චර අමාරුවක් නෑ.මේ වගේ ජරා වෙලාවක, මහ වැස්ස මැද්දේ මම ගිහිල්ලා කාපු පරිප්පුව අනිත් එවුන්ටත් කවන්න ඕනී.ඔය වැස්ස මැද්දේ මහ රෑ ඔතනට ගෙන්නපු එකම මිනිහා වෙන්න මට බෑ.ඒකයි මම එහෙම කීවේ

No comments:

Post a Comment